பாடசாலை என்பது நற்பிரஜைகளை உருவாக்குகின்ற ஒரு சமூக நிறுவனமாகும். மாணவர்களை உள்வாங்கி எதிர்கால சமூகப்பிரஜைகளை உருவாக்குவதில் அதன் பங்கு மகத்தானது. அனுராதபுர மாவட்டத்திலுள்ள பாடசாலைகளுக்கு மத்தியில் அ/அந் நூர் மகா வித்தியாலயம்(தேசிய பாடசாலை) முக்கிய இடத்திலுள்ளது. 1934ம் ஆண்டு 31 மாணவர்களுடன் ஆரம்பிக்கப்பட்ட இப்பாடசாலை 1950ம் ஆண்டு தற்போதிருக்கின்ற இடத்திற்கு மாற்றப்பட்ட இப்பாடசாலை இன்று(2023) 1200 மாணவர்களை தன்னகத்தே கொண்டு வீறுநடை  போட்டுப்யணித்துக்கொண்டிருக்கின்றது. 1976ம் ஆண்டு க.பொ.த (சா/தர)வகுப்பும் 1982ம் ஆண்டு க.பொ.த (உ/தர) வகுப்பும் இங்கே ஆரம்பிக்கப்படடுள்ளது. இப்பாடசாலையில் படித்தவர்கள் இன்று வைத்தியர்களாக, பொறியியலாளராக, சடட்டத்தரணிகளாக, பல்கலைக்கழக விரிவுரையாளராக, மேலும் பல்வேறு துறைசார் முக்கிய பதவி வகிப்பது இப்பாடசாலை ஆற்றிய பங்கிற்கு ஓர் சான்றாகும். அத்துடன் இப்பாடசாலைக்கு அதிபராக பதவியேற்ற ஜனாப்: கையூம் அவர்களின் காலம் பாடசாலையின் கல்வி மறுமலரச்சியில் பொற்காலம் எனக் கூறப்படுகின்றது. முன்னாள் அதிபராக இருந்த எஸ்.ஏ.ஏ. ஹலீம் அவர்களுடைய காலப்பகுதியில் முதன்முதலாக மாணவர்கள் பல்கலைக்கழக பிரவேசத்தைப் பெற்றுக்கொண்டுள்ளமையும், பல வளங்கள் கிடைத்துள்ளமையும் குறிப்பிடத்தக்கதாகும். ஐ.ஏ.நஜீம் அவர்களின் காலத்தில் (2016-2019 வரை) பல்வேறு அபிவிருத்திகள் நடைபெற்றுள்ளன. 1AB பாடசாலையாக தரமுயர்த்தப்பட்டமை, 13 வருட கட்டாயக் கல்வி நிகழ்ச்சித் திட்டம், “அண்மையிலுள்ள பாடசாலை சிறந்த பாடசாலை” செயற்றிட்டத்தின் கீழ் 3மாடி வகுப்பறைக் கட்டடம், அதிபர் விடுதி என்பன கிடைக்கப்பபெற்றமை குறிப்பிடத்தக்கதாகும்